திருப்புத்துார்: திருப்புத்தூர் திருத்தளிநாதர் கோயிலில் தேய்பிறை அஷ்டமியை முன்னிட்டு யோக பைரவர் சன்னதியில் சிறப்பு அபிஷேக,ஆராதனைகள் நடந்தன. குன்றக்குடி சமஸ்தானத்தைச் சேர்ந்த இக்கோயிலில் நேற்று காலை 11:30 மணிக்கு மூலவர் யோகபைரவருக்கு சிறப்பு அபிஷேகம் நடந்தது. தொடர்ந்து விபூதிக் காப்பு அலங்காரத்தில் பைரவர் அருள்பாலித்தார். பின்னர் சிறப்பு தீபாராதனை நடந்தது. கொரோனா கட்டுப்பாடு வழிகாட்டுதலின்படி ஹோமம் நடைபெறவில்லை. சமூக விலகலுடன் பக்தர்கள் அனுமதிக்கப்பட்டனர்.