ராமேஸ்வரம்: ராமேஸ்வரம் ராமநாதசுவாமி கோயிலில் இன்று (நவ.,1) முதல் பக்தர்கள் புனித நீராட தமிழக அரசு அனுமதியளித்துள்ளது.

கொரோனா பரவலை தடுக்க ஏப்.,22 முதல் ராமேஸ்வரம் கோயிலில் பக்தர்கள் தரிசிக்க, புனித நீராட தடை விதிக்கப்பட்டது.பின்னர் ஆக.,4ல் கோயிலில் தரிசிக்க பக்தர்களுக்கு அனுமதித்த நிலையில், 22 தீர்த்தங்களில் நீராட அனுமதிக்கவில்லை. தற்போது வழிகாட்டு நெறிமுறைகளை பின்பற்றி, இன்று முதல் புனித நீராட அனுமதிக்கலாம் என அரசு உத்தரவிட்டுள்ளது.6 மாதத்திற்கு பின் நேற்று மாலை தீர்த்த கிணறுக்கு செல்லும் வழியை கோயில் ஊழியர்கள் சுத்தம் செய்து, தடுப்பு வேலியை சரி செய்தனர்.