திருச்செந்துார்: திருச்செந்துாரில் பெய்த கனமழையில் சுப்பிரமணிய சுவாமி கோயில் கடலரிப்பு தடுப்பு சுவர் சரிந்து விழுந்தது. திருச்செந்துார் சுற்றுவட்டார பகுதியில் நேற்று முன்தினம் இரவு முதல் தொடர்ந்து கனமழை பெய்து வருகிறது. இந்நிலையில், நேற்று சுப்பிரமணிய சுவாமி கோயில் கிழக்கு கிரி பிரகார பகுதியில் சுமார் 20 மீட்டர் நீளமுள்ள கடலரிப்பு தடுப்பு சுவர் திடீரென சத்தத்துடன் சரிந்து விழுந்தது. அதிர்ஷ்டவசமாக அப்பகுதியில் யாரும் இல்லாததால் அசம்பாவிதம் ஏற்படவில்லை. சம்பவ இடத்திற்கு கோயில் உள்துறை சூப்பிரண்ட் ராமசுப்பிரமணியன் நேரில் பார்வையிட்டார். பின்பு அப்பகுதியில் பக்தர்கள் செல்லாதவாறு அங்கே தற்காலிக தடுப்பு வேலிகள் அமைக்கப்பட்டன.