திருச்சி: ஸ்ரீரங்கம் அரங்கநாதர் கோயிலில் எழுந்தருளியுள்ள ஸ்ரீரங்க நாச்சியார் தாயார் சன்னதியில் வெள்ளிக்கிழமை மாலை சகஸ்ர தீபம் ஏற்றப்பட்டது. இதில் கோயில் சுற்றுப்பிரகாரத்தில் ஸ்ரீ சக்கரம் சங்கு சக்கரம் ஆகிய வடிவில் தீப விளக்குகள் ஏற்றப்பட்டது. மேலும் தாயார் சன்னதி சுற்றுப்பிரகாரத்தில் தீப விளக்குகள் ஏற்றப்பட்டது. கடும் மழையும் பொருட்படுத்தாமல் ஸ்ரீரங்கம் பக்தர்கள் திரளாக கலந்து கொண்டனர். இதற்கான ஏற்பாடுகளை நந்து பட்டர் தீபு பட்டர் ஆகியோர் செய்திருந்தனர். மேலும் பக்தர்கள் அனைவருக்கும் பிரசாதமாக சர்க்கரை பொங்கல் வழங்கப்பட்டது.