திருச்சி: ஸ்ரீரங்கம் ரெங்கநாதர் கோவிலில், வரும் 14ம் தேதி, சொர்க்க வாசல் திறப்பு அன்று, திருச்சியில் உள்ளூர் விடுமுறை அறிவிக்கப்பட்டுள்ளது. ஸ்ரீரங்கம் ரெங்கநாதர் கோவிலில், 21 நாட்கள் நடைபெறும் வைகுண்ட ஏகாதசி உற்சவம், கடந்த 3ம் தேதி இரவு, திருநெடுந்தாண்டகம் நிகழ்ச்சியுடன் துவங்கியது. டிசம்பர் 24ம் தேதி, நம்மாழ்வார் மோட்சத்துடன் நிறைவடையும் வைகுண்ட ஏகாதசி உற்சவத்தில், வரும் 14ம் தேதி, சொர்க்க வாசல் திறப்பு நடைபெறும். அன்று, மாவட்ட கலெக்டர் சிவராசு, திருச்சியில் உள்ளூர் விடுமுறை அறிவித்துள்ளார். அதன்படி, அரசு அலுவலகங்கள், கல்வி நிறுவனங்களுக்கு விடுமுறை விடப்படுகிறது. அதே சமயம், பள்ளி, கல்லூரி தேர்வுகள் நடைபெறுவதில், இந்த விடுமுறை பொருந்தாது. இதற்கு மாற்றாக, டிசம்பர் 18 ம் தேதி, வேலை நாளாக இருக்கும், என்று கலெக்டர் வெளியிட்ட அறிக்கையில் தெரிவித்துள்ளார்.