செங்கோட்டை: அச்சன்கோவில் தர்மசாஸ்தா ஐயப்பன் கோயிலில் உற்சவ திருவிழாவை முன்னிட்டு கொடியேற்றம் நடந்தது. கேரளாமாநிலம் தேவசம்போர்டுக்குட்பட்ட அச்சன்கோவில் தர்மசாஸ்தா கோயில் உற்சவ திருவிழாவை முன்னிட்டு, தர்மசாஸ்தா ஐயப்பன், கருப்பசுவாமி உள்ளிட்ட சுவாமிகளுக்கான தங்க, வெள்ளி அங்கிகள், தங்கவாள் அடங்கிய திருவாபரண பெட்டி நேற்று முன்தினம் புனலூர் கருவூலத்திலிருந்து அச்சன்கோவில் கொண்டுவரப்பட்டது. தொடர்ந்து நேற்று காலையில் உற்சவ திருவிழா கொடியேற்றம் நடந்தது.  கண்டரரு மோகனரு தலைமையில் சிறப்பு பூஜை நடந்தது. தொடர்ந்து கொடியேற்றப்படடது. கொரோனா விதிமுறைகள் நடைமுறையில் உள்ளதால் தேரோட்டநிகழ்ச்சி மற்றும் கருப்பன்துள்ளல் நிகழ்ச்சிக்கு பக்தர்களுக்கும் பொதுமக்களுக்கும் அனுமதி இல்லை என கோயில் தரப்பில் தெரிவிக்கப்பட்டுள்ளது.  கொடியேற்ற நிகழ்ச்சியில் செயல் அலுவலர் பினு, ஆபரண கமிட்டி தலைவர் ஹரிஹரன் மற்றும் சத்திய சீலன் உன்னிகிருஷ்ணன், மாடசாமி ஜோதிடர், சுப்பராஜ், மும்பை முருகேசன் மற்றும் தமிழக, கேரள பக்தர்கள் கலந்து கொண்டனர்.