நங்கநல்லுார் : சென்னை நங்கநல்லுாரில் அமைந்துள்ள ஆதிவ்யாதிஹர பக்த ஆஞ்சநேயர் கோவிலில், இந்த ஆண்டிற்கான அனுமன் ஜெயந்தி விழா, லட்சார்ச்சனையுடன் நேற்று துவங்கியது. இன்று காலை 8:00 மணிக்கு, சுவாமிக்கு சந்தனக் காப்பு அலங்காரம் நடக்கிறது. நாளை காலை 7:00 மணிக்கு பாலாபிஷேகம் நடக்கிறது. வரும் 30ம் தேதி காலை 8:00 மணி முதல் லட்சார்ச்சனையும், அதைத் தொடர்ந்து மஹா சாந்தி, மூலமந்திரமும் நடக்கிறது.அனுமன் ஜெயந்தி தினமான ஜன., 2ம் தேதி காலை 8:30 மணிக்கு, ஏழாம் கால யாகசாலை பூர்த்தியாகிறது. அதைத் தொடர்ந்து பூர்ணாஹுதி, கிரஹபிரீத்தி, யாத்ராதானம், கடப்புறப்பாடு நடக்கிறது. அன்று காலை 11:00 மணிக்கு சிறப்பு அலங்கார தரிசனம் நடக்கிறது. ஜன., 3ம் தேதி, லட்சார்ச்சனை பூர்த்தியுடன் விழா நிறைவடைகிறது.