வாலாஜாபேட்டை : வாலாஜாபேட்டை சங்கர மடத்தில் இன்று (4ம் தேதி) கும்பாபிஷேகம் சிறப்பாக நடைபெற்றது. காஞ்சி சங்கராச்சாரியார் ஸ்ரீ விஜயேந்திர சரஸ்வதி சுவாமிகள் கும்பாபிஷேகத்தை நடத்தி வைதத்தார்.

தமிழ்நாட்டின் வட ஆற்காடு பகுதியில் உள்ள வாலாஜாபேட்டை காஞ்சிபுரத்தில் இருந்து சுமார் 45 கிலோமீட்டர் தொலைவில் உள்ளது சங்கர மடம். இங்கு ஸ்ரீ சங்கர மடத்தின் வளாகத்தில் கடந்த 38 ஆண்டுகளுக்கு முன்பு ஸ்தாபிக்கப்பட்ட ஸ்ரீ ஆதிசங்கர பகவத் பாதுகைக்கும், பிரதிஷ்டை செய்யப்படவுள்ள மகா பெரியவா், ஸ்ரீரத்தின விநாயகா் சிலைகளுக்கும் மகா கும்பாபிஷேகம் இன்று (4ம் தேதி) சிறப்பாக நடைபெற்றது. காஞ்சி சங்கராச்சாரியார் ஸ்ரீவிஜயேந்திர சரஸ்வதி சுவாமிகள் புனித நீா் ஊற்றி கும்பாபிஷேகத்தை நடத்தி வைதத்தார். விழாவில், ரத்தினகிரி சுவாமிகள் & கலவாய் சுவாமிகள் கலந்து கொண்டனர். இன்று நடந்த கும்பாபிஷேகத்தில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.