சபரிமலை: சபரிமலையில் பங்குனி உத்திர திருவிழா நேற்று காலை கொடியேற்றத்துடன் தொடங்கியது. இதற்காக நேற்று முன்தினம் மாலை சபரிமலை நடை திறந்தது. கொடியேற்றத்துக்கான சுத்திகிரியைகள் நடைபெற்றது.

இரவு 9:00 மணிக்கு நடை அடைக்கப்பட்டது. நேற்று அதிகாலை 5:00 மணிக்கு நடை திறந்த பின்னர் வழக்கமான நெய்யபிேஷகம், கணபதிேஹாமம் உள்ளிட்ட பூஜைகள் நடைபெற்றது. காலை 9:00 மணிக்கு பிம்பசுத்தி பூஜை நடைபெற்றது. தொடர்ந்து கொடிபட்டத்துக்கான பூஜைகளுக்கு பின்னர்11:00 மணிக்கு தங்க கொடி மரத்தில் தந்திரி கண்டரரு மகேஷ் மோகனரரு கொடியேற்றினார். பக்தர்கள் சுவாமியே சரணம் ஐயப்பா என்று கோஷமிட்டனர். தொடர்ந்து தினமும் ஸ்ரீபூதபலி, உற்சவபலி, யானை மீது சுவாமி எழுந்தருளல் போன்ற நிகழ்ச்சிகள் நடைபெறுகிறது. 17–ம் தேதி சரங்குத்தியில் பள்ளி வேட்டையும், 18–ம் தேதி பம்பையில் ஆராட்டும் நடைபெறும். ஆராட்டு முடிந்து இரவு சன்னிதானம் சுவாமி திரும்பியதும் திருக்கொடி இறக்கப்பட்டு திருவிழா நிறைவு பெறும். இந்த நாட்களுக்கிடையில் சித்திரை மாத பூஜைகள் 15–ம் தேதி தொடங்கும். அன்று பக்தர்களுக்கு விஷூ கைநீட்டம் வழங்கப்படும். 19–ம் தேதி இரவு 10:00 மணிக்கு நடை அடைக்கப்படும். ஒன்பதாம் தேதி முதல் 19–ம் தேதி வரை தினமும் ஆன்லைன் முன்பதிவு மூலம் 15 ஆயிரம் பக்தர்களுக்கு அனுமதி வழங்கப்பட்டுள்ளது.