சிங்கம்புணரி: சிங்கம்புணரி அருகே பிரான்மலை குன்று வளர்ந்த பிடாரி அம்மன் கோயில் பங்குனித் திருவிழா காப்பு கட்டுதலுடன் தொடங்கியது.

இக்கோயிலின் பங்குனித் திருவிழா தொடங்கியது. இதையொட்டி மார்ச் 21ம் தேதி பூச்சொரிதல் விழா நடந்தது. காலை முதல் இரவு வரை பிரான்மலை மற்றும் சுற்றுவட்டார கிராம மக்கள் பால்குடம், பூத்தட்டு எடுத்து வந்தனர். அம்மனுக்கு பாலாபிஷேகம் செய்யப்பட்டு பூச்சொரிதல் நடந்தது. இன்று (மார்ச் 22) இரவு 8:00 மணிக்கு காப்பு கட்டுதலுடன் திருவிழா தொடங்கியது. 10 நாள் திருவிழாவாக ஒவ்வொரு நாளும் சிறப்பு வழிபாடு நடக்கிறது. 9-ம் திருநாளான மார்ச் 30ம் தேதி பிடாரி அம்மன் தேரோட்டம் நடக்கிறது. மார்ச் 31ம் தேதி அம்மனுக்கு கிடாவெட்டி வழிபாடு நடக்கிறது.