சூலூர்: சூலூர் வட்டார கோவில்களில் சித்ரா பவுர்ணமியை ஒட்டி சிறப்பு பூஜைகள் நடந்தன. சூலூர் வட்டாரத்தில் உள்ள சிவன் மற்றும் அம்மன் கோவில்களில், சித்ரா பவுர்ணமியை ஒட்டி சிறப்பு அபிஷேக, அலங்கார பூஜைகள் நடந்தன. பக்தர்கள் சித்ரகுப்தன் பொங்கல் வைத்து வழிபாடு செய்தனர். அங்காளம்மன், மாரியம்மன், மாகாளியம்மன் கோவில்களில் ஏராளமான பக்தர்கள் வழிபாடு செய்தனர். சூலூர் அடுத்த காடாம்பாடி ராஜலிங்கம் நகர் ஸ்ரீ சாந்த சிவகாளியம்மன் கோவிலில் நேற்று சித்ரா பவுர்ணமி பூஜை நடந்தது. திரவிய அபிஷேக பூஜைக்குப் பின் வளையல் அலங்காரத்தில் ஸ்ரீ சாந்த சிவகாளியம்மன் பக்தர்களுக்கு அருள்பாலித்தார். தொடர்ந்து, பக்தர்களுக்கு, மங்கல பொருட்கள் மற்றும் பிரசாதம் வழங்கப்பட்டது.