சோழவந்தான்: சோழவந்தான் ஜெனக நாராயணபெருமாள் கோயில் சித்திரை திருவிழாவில் நேற்று காலை 5.50 மணிக்கு பெருமாள், அழகர் திருக்கோலத்தில் வெண்திரையில் எழுந்தருளினார். மண்டகப்படிகளில் அருள்பாலித்த பின் காலை 8:38 மணிக்கு வைகை ஆற்றில் பச்சை பட்டு உடுத்தி அழகர் இறங்கினார். அழகர் வேடம் பூண்ட பக்தர்கள் தண்ணீர் பீய்ச்சினர். ஏராளமான பக்தர்கள் பங்கேற்றனர். டி.எஸ்.பி., பாலசுந்தரம் தலைமையில் 200 போலீசார் பாதுகாப்பு பணியில் ஈடுபட்டனர். இன்றிரவு (ஏப் 17) 9:00 மணிக்கு இரட்டை அக்ரஹாரம் கிருஷ்ணன்கோயில் முன் யாதவர் சங்கம் சார்பில் தசாவதாரம் நடக்கிறது. ஏற்பாடுகளை கோயில் நிர்வாகத்தினர் செய்தனர்.