கடலாடி: கடலாடி அருகே மேலக்கிடாரத்தில் பழமைவாய்ந்த உய்யவந்த அம்மன் கோயில் உள்ளது. இங்கு நேற்று மாலை 6 மணி முதல் அஸ்திர ஹோமம் பூஜை நடந்தது. மூலவர் உய்யவந்த அம்மன் உள்ளிட்ட பரிவார தெய்வங்களுக்கு சிறப்பு அபிஷேக ஆராதனைகள் நிறைவேற்றப்பட்டது. இன்று (வெள்ளிக்கிழமை) காலை 6 மணிக்கு இரண்டாம் கால பூஜை நடக்கிறது.ஹோம பூஜைக்கு பின்பு மகா ருத்ராபிஷேகம் தொடங்கி பகல் 12 மணி வரை நடக்கிறது. அன்னதானம் வழங்கப்படுகிறது. ஏற்பாடுகளை உய்யவந்த அம்மன் கோயில் குலதெய்வ வழிபாட்டு குழுவினர் மற்றும் மேலக்கிடாரம் கிராம பொதுமக்கள் செய்திருந்தனர்.