இந்த வசதிக்கு முன், மலைக்கோவிலுக்கு வரும் பக்தர்கள் சிறப்பு தரிசன டிக்கெட் பெறுவதற்கு நீண்ட வரிசையில் காத்திருந்து வாங்க வேண்டி இருந்தது.குறிப்பாக முக்கிய விழாக்களின் போது சிறப்பு தரிசன டிக்கெட் வாங்குவதற்கு இரண்டு மணி நேரத்திற்கு மேல் காத்திருக்க வேண்டிய அவல நிலை இருந்தது. பக்தர்கள் தரிசன டிக்கெட், சேவா டிக்கெட், பஞ்சாமிர்தம் அபிஷேகம் மற்றும் அறைகள் முன்பதிவு செய்வதற்கு www.tnhrce.gov.in என்ற இணையதள முகவரியில் சென்று சேவா டிக்கெட், அபிஷேகம் டிக்கெட் பெற்றுக் கொள்ளலாம்.மேலும் தேவஸ்தான விடுதிகளிலும் முன்பதிவு செய்து கொள்ளலாம்.இந்நிலையில், 2020ம் ஆண்டு, மார்ச் மாதம் கொரோனா தொற்று பரவல் காரணமாக ஆன் லைன் வாயிலாக வழங்கும் சேவா டிக்கெட்டுகள், அபிஷேகம், சந்தன காப்பு போன்ற டிக்கெட்டுகள் நிறுத்தப்பட்டன. இதனால் பக்தர்கள் மீண்டும் அபிஷேகம் மற்றும் சேவா டிக்கெட்டுகள் பெறுவதற்கு மலைக்கோவிலுக்கு நேரில் வந்து பணம் கொடுத்து முன்பதிவு செய்து வருகின்றனர்.இதனால் பக்தர்கள் இருமுறை மலைக்கோவிலுக்கு வந்து செல்ல வேண்டிய கட்டாயம் இருந்தது. இதனால் வெளியூர் பக்தர்கள் சிரமப்பட்டு வந்தனர். இந்நிலையில், பக்தர்கள் நலன் கருதி இரண்டு ஆண்டுகளுக்கு பின் கோவில் நிர்வாகம் மீண்டும் ஆன் லைன் மூலம் சேவா டிக்கெட், அபிஷேக டிக்கெட் வழங்குவதற்கான ஏற்பாடுகள் துரித வேகத்தில் நடந்தன.இந்த நடைமுறை இம்மாதம், 15ம் தேதிக்குள் கொண்டு வரப்படும் என, கோவில் நிர்வாகம் தரப்பில் தெரிவிக்கப்பட்டது.22 மெஷின்கள்இது குறித்து திருத்தணி கோவில் இணை ஆணையர் பரஞ்ஜோதி கூறியதாவது:திருத்தணி முருகன் கோவிலில் நடைபெறும் சேவாக்கள், அபிஷேகம் மற்றும் தரிசன டிக்கெட்டுகள் ஆன் லைன் வாயிலாக இரண்டுஆண்டுகளுக்கு பின், அடுத்த வாரத்திற்குள் வழங்கப்படும். இதற்கான பணிகள் துரித வேகத்தில் நடந்து வருகின்றன.