ராமேஸ்வரம்: ராமேஸ்வரம் ராமநாதசுவாமி கோயிலில் உண்டியல் காணிக்கையாக ரூ. 1.62 கோடி கிடைத்தது.

ராமேஸ்வரம் திருக்கோயிலில் 45 நாட்களுக்கு பின் நேற்று முன்தினம் சுவாமி, அம்மன் மற்றும் பஞ்சமூர்த்தி சன்னதிகள் முன்புள்ள உண்டியல்கள் திறக்கப்பட்டு கோயில் திருக்கல்யாண மண்டபத்தில் கோயில் துணை ஆணையர் மாரியப்பன் முன்னிலையில் எண்ணப்பட்டது. இதில் ரொக்க பணம் ரூ. 1 கோடி 62 லட்சத்து, 704 ரூபாய், தங்கம் 77 கிராம், வெள்ளி ஒரு கிலோ 350 கிராம் காணிக்கையாக கிடைத்தது. காணிக்கை எண்ணும் பணியில் உதவி ஆணையர் செல்வி, கோயில் உதவி கோட்ட பொறியாளர் மயில்வாகனன், கண்காணிப்பாளர் பாலசுப்ரமணியன், பிரபாகரன், பேஸ்கார்கள் கமலநாதன், அண்ணாதுரை, பஞ்சமூர்த்தி, ஊழியர்கள் பலர் ஈடுபட்டனர்.