பெ.நா.பாளையம்: நரசிம்மநாயக்கன்பாளையம் சக்தி மாரியம்மன் திருக்கோயில் பொங்கல் திருவிழாவில் சக்தி கரகம் அழைத்தல் நிகழ்ச்சி நடந்தது.

நரசிம்மநாயக்கன்பாளையம் சக்தி மாரியம்மன் கோவில் பூச்சாட்டு விழா, கடந்த, 3ம் தேதி துவங்கியது. 10ம் தேதி கணபதி ஹோமம், காப்புக்கட்டுதல், அலங்கார பூஜை, கம்பம் நடும் விழா, கம்பம் தொழிலாளர் காலனியில் இருந்து எடுத்து வருதல் ஆகிய நிகழ்ச்சிகள் நடந்தன. 17ம் தேதி படைக்கலம், நகை எடுத்து வருதல், குதிரையின் மேல் அம்மன் அழைத்தல் ஆகிய நிகழ்ச்சிகள் நடந்தன. நேற்று அதிகாலை, 5:00 மணிக்கு சக்தி கரகம் அழைத்தல் நிகழ்ச்சியும், காலை, 10:00 மணிக்கு பொங்கல், மாவிளக்கு, அன்னதானம் நடந்தது. மதியம், 3:00 மணிக்கு செல்லுகுத்தி ஆடுதல், அக்னி கரகம் ஆகிய நிகழ்ச்சிகள் நடந்தன. இன்று காலை, 9:00 மணிக்கு மஞ்சள் நீராட்டு விழாவும், இரவு, 7:00 மணிக்கு அலங்கார பூஜை, பிரசாதம் வழங்குதல் நிகழ்ச்சி நடக்கிறது. 24ம் தேதி மறு பூஜையுடன் விழா நிறைவடைகிறது. நிகழ்ச்சிக்கான ஏற்பாடுகளை சக்தி மாரியம்மன் திருக்கோயில் நிர்வாக கமிட்டி குழு செய்து இருந்தது.