செஞ்சி: வடவெட்டி அங்காளம்மன் கோவிலில் நவகிரக சந்நிதி மகா கும்பாபிஷேகம் நடந்தது. மேல்மலையனூர் அடுத்த வடவெட்டி ராமநாதபுரம் அங்காளம்மன் கோவிலில் நேற்று நவகிரக சந்நிதி மகா கும்பாபி ஷேகம் நடந்தது. இதை முன்னிட்டு நேற்று முன்தினம் இரவு நவகிரக சாமி சிலைகள் பிரதிஷ்டையும், அஷ்டபந்தனம் சாற்றுதலும் நடந்தது. நேற்று அதிகாலை அங்காள அம்மனுக்கு சிறப்பு அபிஷேகம் செய்தனர். காலை 9 மணிக்கு கலச பிரதிஷ்டையும், கோபூஜை, மகா சங்கல்பம், 108 திரவிய விசேஷ ஹோமம் நடந்தது. 10 மணிக்கு மகா பூர்ணாஹூதியும், தொடர்ந்து கடம்புறப்படு நடந்தது. 10. 20 மணிக்கு நவகிரக சந்நிதி மகா கும்பாபிஷேகம் நடந்தது. தொடர்ந்து நவகிரகங்களுக்கு மகா அபிஷேகமும், மகா தீபாராதனையும் நடந்தது. பக்தர்களுக்கு பிரசாதம் விநியோகம் செய்தனர். இதில் அறங்காவலர் புண்ணியமூர்த்தி மற்றும் விழா குழுவினர் கலந்து கொண்டனர்.