அவிநாசி: ஆதி விநாயகர் கோவில் கும்பாபிஷேகம் நடைபெற்றது. அவிநாசி ஒன்றியத்திற்கு உட்பட்ட எம் நாதம்பாளையத்தில், எழுந்தருளியுள்ள ஆதி விநாயகர், திருக்கோவில் ஆலய ஜீர்ணோத்தாரண அஷ்டபந்தன மஹா கும்பாபிஷேக விழா, நேற்று வெகு விமர்சையாக நடைபெற்றது.

சுதந்திரநல்லூர் என அழைக்கப்படும் எம் நாதம்பாளையத்தில், எழுந்தருளியுள்ள ஆதி விநாயகர், திருக்கோவில் திருக்குட நன்னீராட்டு விழா, நேற்று காலை நான்காம் கால பூஜைகள், மண்டபார்ச்சனை, வேதிகார்ச்சனை,நாடி சந்தானம், திரவ்யாஹூதி, பூர்ணாஹூதி, தீபாராதனை உள்ளிட்ட நிகழ்சிகளை தொடர்ந்து, மூலஸ்தான விமானங்களுக்கு கலசங்கள் புறப்பட்டது. அதனைத்தொடர்ந்து, அவிநாசி அன்புகிருபாகர சிவாச்சார்யார் மற்றும் ஈசான சுந்தரேச சிவாச்சார்யார் தலைமையில், மஹா கும்பாபிஷேகம் நடைபெற்றது. இதனையடுத்து, மஹா அபிஷேகம், தச தானம், தச தரிசனம், மற்றும் அலங்கார வழிபாடு நடைபெற்றது கும்பாபிசேக விழாவில் சுற்றுப் பகுதிகளிலிருந்து ஏராளமான பக்தர்கள் கலந்துகொண்டு வழிபட்டனர். விழாவிற்கு வந்திருந்த பக்தர்களுக்கு அன்னதானம் வழங்கப்பட்டது.