மயிலம் : மயிலம் முருகன் கோவிலில் ஆடி மாத சஷ்டி பூஜையை முன்னிட்டு சண்முகா அர்ச்சனை நடந்தது.மயிலம் வள்ளி, தெய்வானை, சுப்ரமணியர் சுவாமி கோவில் சஷ்டியை முன்னிட்டு நேற்று காலை 6:00 மணிக்கு சுவாமிக்கு சிறப்பு அபிஷேகம், தீபாராதனை நடந்தது. 11:00 மணிக்கு பாலபிஷேகம் மற்றும் மகா தீபாரதனை நடந்தது. தொடர்ந்து, மூலவர் தங்கக்கவசத்தில் பக்தர்களுக்கு அருள்பாலித்தார். பிற்பகல் 1:00 மணிக்கு சண்முகா அர்ச்சனை நடந்தது. இரவு 9:00 மணிக்கு அலங்கரிக்கபட்ட உற்சவர் கிரிவலம் நடந்தது.விழா ஏற்பாடுகளை மயிலம் பொம்மபுர ஆதீனம் 20ம் பட்டம் சிவஞான பாலய சுவாமிகள் செய்திருந்தார்.