அவிநாசி: பட்டத்தரசி அம்மன் கோவில் கும்பாபிஷேகம் வெகு விமர்சையாக நடைபெற்றது. அவிநாசி காந்திபுரம் சுகாதார ஊழியர் வீதியில் எழுந்தருளியுள்ள பட்டத்தரசி அம்மன், கருப்பராயன் உள்ளிட்ட பரிவார மூர்த்திகளுக்கு இன்று மஹா கும்பாபிஷேகம் நடைபெற்றது. முன்னதாக, நேற்று கணபதி, சுகர்சனம்,நவசக்தி உள்ளிட்ட ஹோமங்கள் நடைபெற்றது. அதனைத் தொடர்ந்து மாலையில் காப்பு கட்டுதல். திரவிய பூஜை. திருமுறை பாராயணம் உள்ளிட்ட நிகழ்ச்சிகள் நடைபெற்றது.இதனையடுத்து, இன்று இரண்டாம் கால யாக வேள்வியை தொடர்ந்து கோபுர விமானங்களுக்கு மஹா கும்பாபிஷேகம் நடைபெற்றது. கும்பாபிஷேக விழாவை முன்னிட்டு விழா குழுவினர் சார்பில் அனைவருக்கும் அன்னதானம் வழங்கப்பட்டது.