உளுந்தூர்பேட்டை: கீழ்புத்தமங்கலம் ஸ்ரீ முத்துமாரியம்மன் கோவில் அஷ்டபந்தன மகா கும்பாபிஷேகம் நடந்தது.

உளுந்தூர்பேட்டை தாலுகா கீழ்புத்தமங்கலம் ஸ்ரீ முத்துமாரியம்மன் கோவில் அஷ்டபந்தன மகா கும்பாபிஷேகம் நடந்தது. அதனையொட்டி கடந்த ஏழாம் தேதி காலை 9 மணி அளவில் அனுக்ஞை, விக்னேஸ்வரா பூஜை, புண்ணியாக வாஜனம், மகா கணபதி ஹோமம் தீபாரதனை நடந்தது. மாலை 6 மணியளவில் மங்கல இசை, விக்னேஸ்வர பூஜை , முதல் கால பூர்ணாஹீதி, தீபாராதனை, வேதபாராயணம், கணபதி ஹோமம் நவகிரக ஹோமம் நடந்தது. நேற்று காலை 10 மணியளவில் முத்துமாரியம்மன் கோவில் கோபுர கலசத்திற்கு புணித நீர் ஊற்றப்பட்டு மகா கும்பாபிஷேகம் நடந்தது. இதில் ஏராளமானோர் கலந்து கொண்டு சுவாமியை வழிபட்டனர்.