கோவில்பாளையம்: குரும்பபாளையம் பட்டத்தரசி அம்மன் கோவில் கும்பாபிஷேகம் நாளை (12ம் தேதி) நடக்கிறது. கோவில்பாளையம் அருகே குரும்பபாளையத்தில், பட்டத்தரசி அம்மன் கோவில் உள்ளது. இக்கோவில் வளாகத்தில், சித்தி விநாயகர் மற்றும் பாலமுருகன் சன்னதிகள் உள்ளன. கோவிலில் பல்வேறு திருப்பணிகள் செய்ததையடுத்து கும்பாபிஷேக விழா இன்று காலை கணபதி வழிபாடுடன் துவங்குகிறது. மாலையில் முளைப்பாளிகை அழைத்து வருதல், தீபாராதனை நடக்கிறது. நாளை (12ம் தேதி) அதிகாலையில், இரண்டாம் கால பூஜை நடக்கிறது. காலை 9:45 மணிக்கு பட்டத்தரசி அம்மன், பாலமுருகன் மற்றும் விநாயகருக்கு புனித நீர் ஊற்றி கும்பாபிஷேகம் செய்யப்படுகிறது. இதையடுத்து தீபாராதனை நடைபெறுகிறது.