சிவகங்கை: சிவகங்கை மாவட்டம் இளையான்குடி அருகே நானாமடையில் மண்ணில் புதையுண்ட நிலையில் சிவலிங்கம் உள்ளது. அதன் பழமை சிறப்பு குறித்து தொல்லியல் துறை ஆய்வு செய்ய கோரிக்கை எழுந்துள்ளது. நானாமடை செந்தில்முருகன் கூறியதாவது: சீதையை மீட்க ராமன் அனுமன் படையுடன் இலங்கை சென்றார். சென்ற வழியில் பல இடங்களில் லிங்கத்தை பிரதிஷ்டை செய்து வழிபட்டு சென்றார். இளையான்குடி அருகே நானாமடை வழியாக சென்ற ராமன் இங்கு ஒரு சிவலிங்கத்தை பிரதிஷ்டை செய்துள்ளார். அந்த சிவலிங்கம் தான் இது என கருதுகிறோம். இந்த இடத்தை தொல்லியல் துறையினர் ஆய்வு செய்ய வேண்டும். இங்கு சிவனுக்கு கோயில் எழுப்பி வழிபாடு நடத்த ஹிந்து அறநிலையத்துறையினர் நடவடிக்கை எடுக்க வேண்டும், என்றார்.