பொள்ளாச்சி; பொள்ளாச்சி மற்றும் சுற்றுப்பகுதியில் உள்ள கோவில்களில், சங்கடஹர சதுர்த்தி வழிபாடு நடந்தது.சங்கடஹர சதுர்த்தியை முன்னிட்டு, பொள்ளாச்சி மகாலிங்கபுரம் சக்தி விநாயகர் கோவிலில், ேஹாமம், அபிேஷகம் மற்றும் அலங்கார பூஜை நடைபெற்றது. திப்பம்பட்டி சிவசக்தி கோவிலில், வலம்புரி விநாயகருக்கு அபிேஷகம், அலங்கார பூஜைகள் நடைபெற்றன.ஆனைமலை சோமேஸ்வரர் கோவிலில், விநாயகருக்கு சிறப்பு அபிேஷக, அலங்கார வழிபாடு நடந்தது. விநாயகப்பெருமான் ராஜ அலங்காரத்தில் பக்தர்களுக்கு அருள்பாலித்தார்.கொண்டேகவுண்டன்பாளையம் சர்க்கரை விநாயகர் கோவில், தெப்பக்குளம் ராஜகணபதி கோவில், மற்றும் சுற்றுப்பகுதியில் உள்ள கோவில்களில், சிறப்பு பூஜைகள் நடைபெற்றன.சங்கடஹர சதுர்த்தி வழிபாடு செய்வதால், நமக்கு வரக்கூடிய சங்கடங்களை நீக்கி, விநாயகரின் நல்லருளைப் பெற்றிடலாம். அதனால், வீட்டை சுத்தம் செய்து, பூஜை, புனஸ்காரங்களை செய்து, பக்தர்கள் விநாயகருக்கு சிறப்பு வழிபாடு செய்தனர்.* வால்பாறை சுப்ரமணிய சுவாமி கோவிலில், ஆவணிமாதம் சங்கடஹர சதுர்த்தி பூஜையை முன்னிட்டு, நேற்று மாலை, 6:30 மணிக்கு விநாயகருக்கு சிறப்பு அபிேஷக பூஜையும், இரவு, 7:00 மணிக்கு அலங்கார வழிபாடும் நடைபெற்றது.பூஜையில் சுமங்கலி பாக்கியத்துக்கு பெண்கள் மஞ்சள் கயிறு மாற்றிக்கொண்டனர். பக்தர்களுக்கு பிரசாதம் வழங்கப்பட்டது.இதே போல், வால்பாறை நகர் மற்றும் எஸ்டேட் பகுதியில் உள்ள கோவில்களில் விநாயகருக்கு சிறப்பு பூஜைகள் நடந்தன.