திருக்கோவிலூர்: திருக்கோவிலூர் சாய்பாபா கோவிலில் பாபாவின் முக்தி தினத்தை முன்னிட்டு சிறப்பு வழிபாடு நடந்தது.

திருக்கோவிலூர், தியாகி வடிவேல் நகரில், சாய்பாபா கோவில் உள்ளது. பாபாவின் 104 வது முக்தி தின விழாவை முன்னிட்டு, நேற்று காலை 8:00 மணிக்கு கலச ஸ்தாபனம், வேத பாராயணம், 9:00 மணிக்கு ஹோமங்கள், 10:00 மணிக்கு பாபாவிற்கு மகா அபிஷேகம் நடந்தது. மதியம் 12:00 மணிக்கு சிறப்பு அலங்காரத்தில் அர்ச்சனை, ஆரத்தி வழிபாடு நடந்தது. கோவில் நிர்வாகி சுப்பு தலைமையில் நடந்த இவ்விழாவில் ஏராளமான பக்தர்கள் கலந்து கொண்டனர். பக்தர்களுக்கு அன்னதானம் வழங்கப்பட்டது. இரவு 7:00 மணிக்கு சிறப்பு பஜனை நடந்தது.