அவிநாசி அடுத்த புதுப் பாளையத்தில் எழுந்தருளியுள்ள ஸ்ரீ அழகர் பெருமாள் சுவாமி கோவிலில் புரட்டாசி சனிக்கிழமையை முன்னிட்டு படைக்கலம் திருவிழா நடைபெற்றது. முன்னதாக நேற்று   முன்தினம் அவிநாசி லிங்கேஸ்வரர் கோவிலில் இருந்து பூசாரி மற்றும் ஊர் பொதுமக்கள் உள்ளிட்டோர் தீர்த்தம் எடுத்து கோவிலுக்கு சென்று சாமி இறங்குதல் வேண்டுதலை நிறைவேற்றினார் .அதனைத்   தொடர்ந்து சிறப்பு பூஜைகள் நடைபெற்றது.நேற்று கவ்வாளம், சேவையாட்டம் உள்ளிட்டவைகள் பூசாரி மற்றும் பக்தர்களால் நடைபெற்றது. சிறப்பு அலங்காரத்தில் ஸ்ரீதேவி சமேத ஸ்ரீ அழகர் பெருமாள்   பக்தர்களுக்கு காட்சியளித்தார்.விழாவினைத் தொடர்ந்து பக்தர்களுக்கு அன்னதானம் வழங்கப்பட்டது.