அவிநாசி : மத்திய பிரதேசத்தில் உஜ்ஜயினியில் அமைந்துள்ள மகாகாலேஸ்வரர் திருக்கோயில் அர்ப்பணிப்பு நிகழ்ச்சி காணொளி வாயிலாக அவிநாசி லிங்கேஸ்வரர் கோவிலில் கண்டு களித்தனர்.

இந்தியாவில் உள்ள 12 ஜோதிர் லிங்கங்களில் ஒன்றான மத்திய பிரதேசத்தில் அமைந்துள்ள மகாகாலேஸ்வரர் கோவில் திருப்பணிகள் புனரமைப்பு நிறைவடைந்தது. இதனையடுத்து பிரதமர் மோடி நாட்டுக்கு அர்ப்பணிக்கும் நிகழ்ச்சியினை பாஜக சார்பில் அவிநாசி லிங்கேஸ்வரர் கோவிலிலுள்ள கலையரங்கத்தில் ஒளிபரப்பப்பட்டது. இந்நிகழ்ச்சியை பாஜக ஆன்மீக மற்றும் ஆலய மேம்பாட்டு பிரிவு மாவட்டத் தலைவர் ஸ்ரீனிவாசன், வெளி மாநில வாழ் தமிழர்கள் நலன் மற்றும் தமிழ் வளர்ச்சி பிரிவு மாவட்ட தலைவர் கிருஷ்ணமூர்த்தி ஆகியோர் செய்திருந்தனர் மண்டல் தலைவர்கள் தினேஷ்குமார், கருணாமூர்த்தி தலைமையில் நடைபெற்ற நிகழ்ச்சியில்,மாநில மகளிர் அணி பொதுச் செயலாளர் மோகனப்பிரியா, செயலாளர் சுதாமணி, நீலகிரி பாராளுமன்ற பொறுப்பாளர் கதிர்வேலன், மாவட்ட துணை தலைவர் சண்முகசுந்தரம் உள்ளிட்டோர் கலந்து கொண்டனர்.