காரைக்கால்: திருநள்ளாரில் தருமபுர ஆதின கட்டளை விசாரணை சுவாமிநாதத் தம்பிரான் சாமியின் 26ம் ஆண்டு மாகேஸ்வர பூஜை நடந்தது.

காரைக்கால் திருநள்ளாரில் தருமபுர ஆதீனத்திற்கு கீழ் தர்பாரண்யேஸ்வர கோவில் உள்ளது.இக்கோவிலில் சனிஸ்வர பகவான் தனி சன்னதியில் அருள்பாலித்து வருகிறார். இக்கோவிலில் தருமபுர ஆதீன கட்டளை விசாரணையாக இருந்த ஸ்ரீலஸ்ரீ சுவாமிநாத் தம்பிரான் சுவாமிகளின் முத்தி தினத்தையொட்டி திருநள்ளார் தெற்கு வீதியில் உள்ளநினை விடத்தில் 26வது ஆண்டு மாகேஸ்வர பூஜை நேற்று நடந்தது.நிகழ்ச்சியில் கட்டளை விசாரணை ஸ்ரீலஸ்ரீ கந்தசாமி தம்பிரான் சாமிகள் கலந்து கொண்டு பூஜைகள் செய்தார்.அதைத்தொடர்ந்து அபிஷேக ஆராதனை முடிந்து தீபாரதனை நடந்தது.விழாவில் மாகேஸ்வர பூஜை விழா மலர் வெளியிடப்பட்டது.இதில் முன்னாள் அமைச்சர் கமலக்கண்ணன். கோவில் நிர்வாக அதிகாரி அருணகிரிநாதன், முன்னாள் கொம்யூன் பஞ்சாயத்து தலைவர் சிங்கரவேல்.வளர்கல்வி மையப்பொறுப்பாளர் முத்துவேல்பிள்ளை உள்ளிட்ட ஏராளமான பக்தர்கள் கலந்து கொண்டனர்.