சிவனுக்குரிய பிரதோஷமும், சக்திக்குரிய கஜகௌரி விரதமும் ஒரே நாளில் வருவது சிறப்பானதாக கருதப்படுகிறது. வியாழக்கிழமை வரும் பிரதோஷம் குரு பிரதோஷம் என்று அழைக்கப்படுகிறது

வியாழக்கிழமையும் பிரதோஷமும் இணைந்து வரும் நாளில் சிவபெருமானையும், நந்தியம் பெருமானையும், தட்சிணாமூர்த்தியையும் வழிபடுவது சிறந்தது. இந்த நாளில் சிவ தரிசனம் செய்வதன் மூலம் நீண்டகால கஷ்டங்கள் நீங்கும், குரு பகவானின் அருளும் கிடைக்கும். பிரதோஷ காலத்தில் நந்தி தேவருக்கு நடக்கும் சிறப்பு அபிஷேகம், தீபாராதனைகள் காண்பது சிறப்பானதாகும். பிரதோஷ காலத்தில், சூரியன் மறைவதற்கு ஒன்றரை மணி நேரத்திற்கு முன்பும், மறைந்த பிறகு ஒன்றரை மணி நேரத்திற்கு பின்பும் உள்ள மாலை நேரம் வழிபாட்டிற்கு உரியது. கோவிலில் சிவபெருமானுக்கு செய்யப்படும் அபிஷேகத்தை தரிசிப்பது சிறந்தது. இன்று சிவ தரிசனம் செய்ய சிவபெருமானின் அருளுடன் குரு பகவானின் அருளும் சேர்ந்து கிடைக்கும். யானை வாகனத்துடன் இருக்கும் பார்வதி தேவியை வழிபட குழந்தைகள் நலம், ஆயுள் மற்றும் குடும்ப ஒற்றுமை ஏற்படும். இன்று விரதமிருந்து சிவசக்தியை வழிபட கடன் தொல்லைகள் நீங்கும். சகல சௌபாக்கியங்களும் கிடைக்கும். இன்று சிவன் மற்றும் கௌரி தேவியை வழிபடுவோம்.. வேண்டிய வரம் பெறுவோம்!