மயிலாடுதுறை: சுவாமிமலை கோவிலில் சூரியனார் கோவில் ஆதீன குரு மகாசன்னிதானம் வழிபாடு செய்தார்.

தஞ்சாவூர் மாவட்டம் கும்பகோணம் அருகே உள்ள சுவாமிமலை சுவாமிநாத சுவாமி கோவிலுக்கு கந்த சஷ்டி விழாவை முன்னிட்டு நேற்று சூரியனார் கோவில் ஆதீனம் 28 வது குருமஹா சன்னிதானம் ஸ்ரீலஸ்ரீ மகாலிங்க தேசிக பரமாச்சாரியார் சுவாமிகள் வருகை தந்தார். அவரை கோவில் துணை ஆணையர் உமாதேவி கண்காணிப்பாளர் சுதா மற்றும் அதிகாரிகள் முன்னிலையில் சிவாச்சாரியார்கள் பூணகும்பம் மரியாதை கொடுத்து வரவேற்றனர். தொடர்ந்து சூரியனார் கோவில் ஆதீன குரு மகா சன்னிதானம் முருக பெருமானுக்கு சண்முக அர்ச்சனையும் சங்காபிஷேகம் மற்றும் மகா அபிஷேகத்தில் குரு, லிங்க, சங்கம வழிபாடாக அடியார் பெருமக்களுக்கு திருநீற்றுப் பிரசாதமும், அருளாசியும் வழங்கினார். இதில் திரளான பக்தர்கள் கலந்து கொண்டு முருகப்பெருமானை தரிசித்து திருவருளையும், குருவருளையும் பெற்றனர்.