இவ்வாறு சிறப்புமிக்க இக்கோவிலில் ஆண்டுதோறும் ஐப்பசி பவுர்ணமி தினத்தன்று, அன்னாபிஷேகம் நடப்பது வழக்கம். இந்த ஆண்டுக்கான அன்னாபிஷேகம் இன்று நடந்தது. இதற்காக, 75 கிலோ எடை உள்ள 35 மூட்டை என 2,625 கிலோ அரிசியால், மெகா சைஸ் குக்கரில் சாதம் சமைக்கப்பட்டு, உலர்த்தப்பட்டு மூங்கில் கூடைகளில் நிரப்பி, 109 சிவாச்சாரிகள் வரிசையில் நின்றவாறு அன்னத்தை சுமந்து சென்று லிங்கத்தின்மேல் சாத்தினர். பின்னர், மலர்கள், காய், கனிகளால் அலங்கரிக்கப்பட்டு, மாலை 6 மணியளவில்  மஹாதீபாராதனை நடந்தது. அன்னாபிஷேகத்திற்கு பின் தீபாராதனை முடிந்து, லிங்கத்தின் மேல் சாத்தப்பட்ட அன்னம் இரவு 9 மணியளவில் பக்தர்களுக்கு பிரசாதமாக வழங்கப்பட்டது. மீதியிருந்த  சாதம் ஏரி, குளங்களில் மீன்களுக்கு உணவாக அளிக்கப்பட்டது. லிங்கத்தின் மேல் சாத்தப்படும் ஒவ்வொரு சாதமும் லிங்கத்தின் தன்மையை பெறும். இதனால், ஒரே நேரத்தில் கோடிக்கணக்கான சிவலிங்கத்தை தரிசிக்கும் புண்ணியம் கிடைக்கும் என்பதால் திரளான பக்தர்கள் பங்கேற்று, லிங்கத்தின்மேல் சாத்தப்பட்ட அன்னத்தை பிரசாதமாக பெற்று சுவாமி தரிசனம் செய்தனர்.