சூலூர்: சூலூர் சித்தி விநாயகர் கோவிலில் ஏராளமான பக்தர்கள் பங்கேற்று வழிபட்டனர்.

சூலூர் சந்தைப்பேட்டை ரோட்டில் உள்ள சித்தி விநாயகர் கோவில் பழமையானது. இங்கு, வர்ணம் தீட்டுதல் உள்ளிட்ட பணிகள் முடிந்து, கடந்த, 9 ம்தேதி கணபதி ஹோமத்துடன் கும்பாபிஷேக விழா துவங்கியது. நான்கு கால ஹோமங்கள் முடிந்து, இன்று காலை, 9:00 மணிக்கு, புனித நீர் கலசங்கள் மேள, தாளத்துடன் கோவிலை வலம் வந்தன. 10:00 மணிக்கு, விமானம் மற்றும் சித்தி விநாயகருக்கு கும்பாபிஷேகம் நடந்தது. விழாவில், ஏராளமான பக்தர்கள் பங்கேற்று வழிபட்டனர்.

இருகூர் கோவில்: இருகூர் வெள்ளேரி அங்காளம்மன் கோவில் கும்பாபிஷேகம் நடந்தது. பழமையான இக்கோவிலில் திருப்பணிகள் முடிவுற்று, கடந்த, 9 ம்தேதி கும்பாபிஷேக விழா துவங்கியது. நான்கு கால ஹோமங்கள் முடிந்து இன்று காலை, 8:00 மணிக்கு, அங்காளம்மனுக்கு கும்பாபிஷேகம் நடந்தது. தச தானம், தச தரிசனம் மற்றும் மகா அபிஷேக, அலங்கார பூஜைகள் நடந்தன. தொடர்ந்து அன்னதானம் நடந்தது. விழாவில் ஏராளமான பக்தர்கள் பங்கேற்று வழிபட்டனர். எம்.எல்.ஏ., கந்தசாமி, பேரூராட்சி தலைவர் சந்திரன், முக்கந்தர் மோகனசுந்தரம் உள்ளிட்டோர் பங்கேற்றனர்.