ஆர்.எஸ்.மங்கலம்: ஆர்.எஸ்.மங்கலம் கைலாசநாதர் கோயிலில், சோமவார மற்றும் பிரதோஷத்தை முன்னிட்டு, சங்காபிஷேக விழா நடைபெற்றது. முன்னதாக மூலவர் மற்றும் கோயில் நந்திக்கு சிறப்பு அபிஷேக ஆராதனைகள் நடைபெற்றன. தொடர்ந்து யாக வேள்விகள் நடத்தப்பட்டு, யாகசாலை கலசநீர் மற்றும் சங்குகளில் உள்ள புனித நீரை பக்தர்கள் ஊர்வலமாக எடுத்துச் சென்று, மூலவருக்கு அபிஷேகம் செய்து வழிபாடு செய்தனர். தொடர்ந்து நடைபெற்ற அபிஷேக ஆராதனையில், சுற்றுப்புற பகுதிகளை சேர்ந்த ஏராளமானோர் கலந்து கொண்டு தரிசனம் செய்தனர்.