காளஹஸ்தி: திருப்பதி மாவட்டம் ஸ்ரீகாளஹஸ்தி சிவன் கோயில் துணை கோயிலான ஏழு கங்கையம்மன் கோயில் திருவிழா ஒவ்வொரு ஆண்டும் வெகு விமர்சையாக நடைபெறுவது வழக்கம்.

இதே போல் இந்த ஆண்டும் ஏழு கங்கை அம்மன் திருவிழா  இம் மாதம் 13 மற்றும் 14ஆம் தேதி களில் கடந்த ஆண்டுகளைக் போலவே மிக விமர்சையாக நடைபெற உள்ள நிலையில் திருவிழாவிற்கான சுவரொட்டிகளை ஸ்ரீகாளஹஸ்தி சிவன் கோயில் வளாகத்தில் உள்ள  குரு தட்சிணாமூர்த்தி சுவாமி சன்னதி அருகில் கோயில் அறங்காவலர் குழு தலைவர் அஞ்சூரு. தாரக சீனிவாசலு கோயில் நிர்வாக அதிகாரி சாகர் பாபு மற்றும் அதிகாரிகள் ,அறங்காவலர் குழு உறுப்பினர்கள் நேற்று( சனிக்கிழமை) வெளியிட்டனர் .முன்னதாக சுவரொட்டிகளுக்கு கோயில் வேத பண்டிதர்கள் மற்றும் அர்ச்சகர்கள் சிறப்பு பூஜைகள் செய்யப்பட்டு கற்பூர தீபாராதனைகளை சமர்ப்பித்தனர் .இதனை தொடர்ந்து கோயில் அறங்காவலர் குழு மற்றும் கோயில் அதிகாரிகள் ஏழு கங்கை அம்மன் திருவிழாவிற்கான சுவரொட்டிகளை வெளியிட்டனர்.