பரமக்குடி: பரமக்குடி பெருமாள் கோயில்களில் கார்த்திகை மாத பாஞ்சராத்திர தீப விழா நடந்தது.

பரமக்குடி சுந்தரராஜ பெருமாள் கோயிலில் ஸ்ரீதேவி, பூதேவி தயார் உடன் சுந்தரராஜ பெருமாள் அலங்காரமாகினார். தொடர்ந்து மழைபெய்த நிலையில், இரவு 8:30 மணிக்கு கோயில் முன்பு சொக்கப்பனை கொளுத்தும் நிகழ்ச்சி நடந்தது.

*எமனேஸ்வரம் வரதராஜ பெருமாள் கோவிலில் பெருமாள் ராஜாங்க திருக்கோலத்தில் எழுந்தருளினார். அங்கு கோயில் முன்பு இரவு சொக்கப்பனை கொளுத்தப்பட்டது. ஏராளமான பக்தர்கள் சுவாமி தரிசனம் செய்தனர்.