திருமழிசை : திருமழிசை ஜெகந்நாத பெருமாள் மற்றும் பக்திஸார் எனும் திருமழிசை ஆழ்வாளர் கோவிலில், வரும் 29ம் தேதியில் திரு அவதார மகோற்சவ திருவிழா துவங்கி நடைபெற உள்ளது.

முன்னதாக, நேற்று, அதிகாலை 4:30 மணி முதல், 5:30 மணிக்குள் பந்தக்கால் முகூர்த்தம் நடந்தது. வரும் 27ம் தேதி, மாலை 6:00 மணி முதல், 7:00 மணிக்குள் ஆழ்வார் ஆஸ்தானம் விட்டு எழுந்தருளல் நடைபெற உள்ளது. தினமும் பல்வேறு வாகனங்களில் எழுந்தருளி சுவாமி பக்தர்களுக்கு அருள்பாலிப்பார். தையில் திரு அவதார மகோற்சவ விழாவில், பிப். 2ம் தேதி இரவு, கருடசேவையில் ஜெகந்நாத பெருமாள் சுவாமியும், ஹம்ஸ வாகனத்தில் திருமழிசை ஆழ்வாரும் எழுந்தருளி பக்தர்களுக்கு அருள்பாலிப்பர். விழாவில் முக்கிய நிகழ்ச்சியான தேரோட்டம் பிப். 6ம் தேதி, காலை 7:30 மணிக்கு நடைபெறும் என, ஹிந்து சமய அறநிலையத் துறையினர் தெரிவித்துள்ளனர்.