கருமத்தம்பட்டி: குமரன் நகர் சிவ கணபதி கோவில் ஆண்டு விழாவில் ஏராளமான பக்தர்கள் பங்கேற்று வழிபட்டனர். கருமத்தம்பட்டி குமரன் நகர் சிவ கணபதி கோவிலில் ஐந்தாம் ஆண்டு விழா நேற்று நடந்தது. கணபதி ஹோமத்துடன் பூஜைகள் துவங்கின. 108 சங்குகள் வைக்கப்பட்டு, பூஜைகள் நடந்தன. பஞ்சாமிர்தம், பால், தயிர், இளநீர் மற்றும் வாசனை திரவியங்கள், 108 சங்கு தீர்த்தங்களால், சிவ கணபதிக்கு அபிஷேகம் நடந்தது. மகா தீபாராதனைக்கு பின், சிறப்பு அலங்காரத்தில் விநாயகப்பெருமான் பக்தர்களுக்கு அருள்பாலித்தார். பூஜையில் ஏராளமான பக்தர்கள் பங்கேற்று வழிபட்டனர்.