சிறுபாக்கம்: சிறுபாக்கம் கற்பக விநாயகர் கோவில் மகா கும்பாபிஷேக விழா நடந்தது.

சிறுபாக்கம் - எஸ்.புதூர் சாலையில் காட்டுகொட்டாய் பகுதியில் புதியதாக ஶ்ரீ கற்பக விநாயகர் கோவில் கட்டப்பட்டது. அதில், தட்சிணாமூர்த்தி, மகா விஷ்ணு, துர்க்கை அம்மன் சுவாமிகளும் அமைக்கப்பட்டது. இதற்கான மகா கும்பாபிஷேக விழா நேற்று முன்தினம் மாலை, மகா சங்கல்பம் மற்றும் விநாயகர் வழிபாட்டுடன் துவங்கியது. தொடர்ந்து, நேற்று அதிகாலை முதல் யாக சாலை பூஜைகள், கோ பூஜை, ருத்ரா வேத பாராயணம் பூஜைகள் நடந்தது. பின்னர், காலை 9:00 மணியளவில் கோவில் கலசத்திற்கு புனித நீர் ஊற்றி மகா கும்பாபிஷேகம் நடந்தது. தொடர்ந்து, பக்தர்களுக்கு அன்னதானம் வழங்கப்பட்டது. இதில், சுற்றுப்புற கிராம பக்தர்கள் திரளாக பங்கேற்று சுவாமி தரிசனம் செய்தனர்.