புவனகிரி: புவனகிரி பூங்காவனத்தம்மன் கோவிலில் நாளை மறுநாள் மயான சூறையாடுதல் நிகழ்ச்சி வெகு விமர்சியாக நடக்கிறது. ஏற்பாடுகளை விழா குழுவினர்கள் செய்து வருகின்றனர்.
கடலுார் மாவட்டம், புவனகிரியில் வரலாற்று சிறப்பு வாய்ந்த பூங்காவனத்தம்மன் கோவில் உள்ளது. இக்கோவிலில் ஆண்டு தோறும் மாசிமாதத்தில் மயான சூறை நிகழ்ச்சி வெகு விமர்சியாக நடத்தி வருகின்றனர். இந்த ஆண்டிற்கான நிகழ்ச்சியை முன்னிட்டு விழா குழு நிர்வாகிகளாக குப்புசாமி, பழனி உள்ளிட்ட குழுவினர் நியமிக்கப்பட்டு, விழா ஏற்பாடுகளை செய்து வருகின்றனர். அதன் படி நாளை 18 ம் தேதி தீர்த்தம் கொண்டு வந்து மகாகணபதி பூஜையுடன் பல்வேறு பூஜைகளும், நாளை மறுநாள் 19 ம் தேதி பல்வேறு அபிேஷக ஆராதனை நிகழ்ச்சிகளுடன், கீழ்புவனகிரி மயானத்தில், மயான சூறையாடுதல் நிகழ்ச்சி வெகு விமர்சியாக நடக்கிறது. ஏற்பாடுகளை பருவதராஜகுல சமூகத்தினர் மற்றும் விழா குழுவினர்கள் செய்து வருகின்றனர்.