திருவண்ணாமலை பகவான் யோகி ராம்சரத்குமார் மகாராஜின் 22ம் ஆண்டு ஆராதனை விழாவை முன்னிட்டு அதிஷ்டத்தில் சிறப்பு அபிஷேகம் நடந்தது.

திருவண்ணாமலை பகவான் யோகி ராம்சரத்குமார் குரு மகாராஜின் 22ம் ஆண்டு ஆராதனையின் முதல் நாள் விழா நேற்று காலை துவங்கியது. 7:00 மணிக்கு ஹோமம், அதிர்ஷ்டத்தில் அபிஷேகம், அலங்காரம் அர்ச்சனை நடந்தது. காலை 10:30 மணிக்கு பக்தர்கள் பகவானுடன் ஏற்பட்ட அனுபவங்களை பகிர்ந்து கொண்டனர். மாலை 4:30 மணிக்கு மயிலை சத்குருநாத ஓதுவார் குழுவினரின் தேவார இசை. மாலை 6:30 மணிக்கு நொச்சூர் வெங்கட்ராமன் சுவாமிகளின் சிவானுபவம் உபன்யாசம் நடந்தது. விழாவின் இரண்டாம் நாளான இன்று காலை மகன்யாசம், ஏகாதச ருத்ரம், அதிஷ்டானத்தில் மகாபிஷேகம், அர்ச்சனை 11:00 மணிக்கு தீர்த்த நாராயண பூஜை, பஜனை நடக்கிறது. விழாவிற்கான ஏற்பாடுகளை ஆசிரம நிர்வாகிகள் செய்து வருகின்றனர்.