திருப்பூர்: தாராபுரம் ரோடு கோட்டை மாரியம்மன் கோவில் பொங்கல் விழாவில் அம்மன் தங்க கவச அலங்காரத்தில் பக்தர்களுக்கு அருள்பாலித்தார்.

திருப்பூரில் இருந்து தாராபுரம் செல்லும் சாலையில் கோட்டை மாரியம்மன் கோயில் உள்ளது. இந்தக் கோயிலில் ஆண்டுதோறும் மாசி பொங்கல் பூச்சாட்டு விழா வெகு விமரிசையாக நடைபெறுவது வழக்கம். இதன்படி பொங்கல் பூச்சாட்டு விழா பிப்ரவரி 14ம் தேதி தொடங்கி நடைபெற்று வருகிறது. நாள்தோறும் பல்வேறு நிகழ்ச்சிகள் நடைபெற்று வந்த நிலையில், விழாவின் முக்கிய நிகழ்வான பூவோடு ஊா்வலம் செவ்வாய்க்கிழமை நடைபெற்றது. விழாவில் இன்று அம்மன் தங்க கவச அலங்காரத்தில் பக்தர்களுக்கு அருள்பாலித்தார். பொங்கல் விழாவில் கிடா வெட்டி பக்தர்கள் நேர்த்திக்கடன் செலுத்தி வழிபட்டனர்.