பண்ருட்டி : திருவதிகை வீரட்டானேஸ்வரர் கோவிலில் பஞ்சமி தினம் முன்னிட்டு வராகி அம்மன் காய்கறி அலங்காரத்தில் பக்தர்களுக்கு அருள்பாலித்தார்.

பண்ருட்டி அடுத்த திருவதிகை வீரட்டானேஸ்வரர் கோவிலில் வராகி அம்மனுக்கு வசந்த நவராத்திரி உற்சவம் கடந்த 21ம் தேதி முதல் தொடங்கி நடந்து வருகிறது. வசந்த நவராத்தி உற்சவம் முன்னிட்டு தினமும் மாலை வராகி அம்மனுக்கு சிறப்பு அபிேஷகம், ஆராதனைகள் நடந்து, தினமும் இரவு 7:00 மணிக்கு தீபாராதனை நடந்தது. நேற்று முன்தினம் இரவு பஞ்சமி தினத்தை முன்னிட்டு வராகி அம்மனுக்கு சிறப்பு வழிபாடும், 5ம் நாள் உற்சவம் நடந்தது. இதில் வராகி அம்மன் காய்கறி அலங்காரத்தில் பக்தர்களுக்கு அருள்பாலித்தார். விழாவில் ஏராளமான பக்தர்கள் கலந்து கொண்டு சுவாமியை தரிசனம் செய்தனர். இன்று 27ம் தேதி முளைப்பாரி உற்சவமும், வரும் 30ம் தேதி பூச்சொரிதல் உற்சவம் நடக்கிறது. விழா ஏற்பாடுகளை வராகி வழிபாட்டு மன்றத்தின் செய்திருந்தனர்.