கீழக்கரை: ராமநாதபுரம் ஏர்வாடியில் சந்தனக்கூடு விழா, நேற்று துவங்கியது. ஏர்வாடி பாதுஷா நாயகம் தர்காவில், சந்தனக்கூடு விழா, நேற்று மாலை, "மவுலீது ஓதி துவங்கியது. மாவட்ட அரசு காஜி சலாஹூத்தீன், உலக மக்களின் அமைதிக்காகவும், நல்லிணக்கத்திற்காகவும் சிறப்பு பிரார்த்தனை செய்தார். பாதுஷா நாயகம் அடக்க தலத்தில், சந்தனம் வைக்கப்பட்டது. செப்., 27 ல், கொடியேற்றம்; அக்., 9 ல், சந்தனக்கூடு; அக்., 16 ல், கொடியிறக்கத்துடன், பக்தர்களுக்கு நேர்ச்சி வழங்கப்பட்டு, விழா நிறைவடையும். தர்கா ஹக்தார் நிர்வாக சபை தலைவர் அம்ஜத் ஹூசைன், செயலாளர் செய்யது பாரூக் ஆலிம் அரூஸி, உப தலைவர் செய்யது சிராஜ்தீன், நிர்வாக உறுப்பினர்கள், ஏற்பாடுகளை செய்துள்ளனர்.