அன்னூர்: அன்னூர் பெருமாள் கோவிலில், ராமாயண தொடர் சொற்பொழிவு இன்று துவங்குகிறது.

அன்னூர் கரிவரதராஜ பெருமாள் கோவிலில், 18ம் ஆண்டு ராமநவமியை முன்னிட்டு ராமாயண தொடர் சொற்பொழிவு இன்று துவங்குகிறது. இன்று முதல் வருகிற ஏப். 8ம் தேதி வரை தினமும் மாலை 6:30 மணி முதல் 8:30 மணி வரை ராமாயண தொடர் சொற்பொழிவு நடக்கிறது. இன்று மாலை 6:30 மணிக்கு பெருமாளுக்கு சிறப்பு வழிபாடுடன், அயோத்தியின் தெய்வீகம் என்கிற தலைப்பில் சொற்பொழிவாளர் மகேஸ்வரி சற்குரு பேசுகிறார். வருகிற 1ம் தேதி காலை 10:00 மணிக்கு திருக்கல்யாண உற்சவமும், மதியம் தீபாராதனையும் நடக்கிறது. வரும் 8ம் தேதி காலை 10:00 மணிக்கு நிறைவு சொற்பொழிவு, ராமபிரான் பட்டாபிஷேகம், என்னும் தலைப்பில் நடக்கிறது. இதற்கான ஏற்பாடுகளை ராமானுஜர் பக்த பேரவையினர் செய்து வருகின்றனர்.