பெரியகுளம்: பெரியகுளம் காளஹஸ்தீஸ்வரர் கோயிலில் சனி பெயர்ச்சி விழாவில் ஏராளமானோர் பங்கேற்றனர்.

பெரியகுளம் தென்கரை ஞானாம்பிகை சமேத காளஹஸ்தீஸ்வரர் கோயிலில் சனி பெயர்ச்சி விழா நடந்தது. சனீஸ்வர பகவான் மகர ராசியில் இருந்து நேற்று மதியம் 1:06 மணிக்கு கும்ப ராசிக்கு பிரவேசித்தார். இதனை தொடர்ந்து பிற்பகல் 12:00 மணி முதல் மதியம் 2:00 வரை பரிகார ஹோமமும், நவக்கிரஹத்துக்கு சிறப்பு அபிஷேகம் ஆராதனை நடந்தது. ஏராளமான பக்தர்கள் பங்கேற்றனர். அர்ச்சகர் ஸ்ரீராம் பூஜைகள் செய்தார்.