சிதம்பரம்: சிதம்பரம் மேலவீதியில் உள்ள ஸ்ரீகோதண்டராமர் கோயில் பிரம்மோற்சவத்தை முன்னிட்டு தேரோட்டம் நடந்தது.

சிதம்பரம் மேலவீதி ஸ்ரீகோதண்டராமர் கோயில் பிரம்மோற்சவம் கடந்த 21ம் தேதி திருமஞ்சனத்துடன் துவங்கி, 22ம் தேதி கொடியேற்றம் நடைபெற்றது. திளமும் பல்வேறு வாகனங்களில் ஸ்ரீ கோதண்டராமர் வீதிஉலா நடந்து வருகிறது இன்று மார்ச்.30ம் தேதி தேரோட்டம் நடைபெற்றது. மேலவீதியில் உள்ள கோயில் வளாகத்திலிருந்து தேர் புறப்பட்டு நான்கு வீதிகள் வழியாக மீண்டும் கோயிலை அடைந்தது. திரளான பக்தர்கள் பங்கேற்று தேரை இழுத்து தரிசித்தனர். காலை திருமஞ்சனம் நிகழ்ச்சியும், மாலை சீதா கல்யாணமும் நடைபெற்றது. நாளை காலை புஷ்பயாகமும், மாலை ஸ்ரீ ஆஞ்சநேயர் உற்சவம் பட்டாபிஷேகம், இரவு பூப்பல்லக்கு நிகழ்ச்சியும் நடைபெறுகிறது. நாளை மறுதினம், ஏப் 1 ம் தேதி சதகலச திருமஞ்சனம் நிகழ்ச்சியும், ஏப்.2ம் தேதி விடாயத்தி திருமஞ்சனமும் நடைபெறுகிறது.