காரைக்கால் கைலாசநாதர் கோவில் பங்குனி உத்திர பிரமோற்சவ விழா கடந்த 26ம் தேதி பஞ்சமூர்த்திகளுக்கு அபிஷேக தீபாரதனை முடிந்து கொடியேற்றத்துடன் துவங்கியது. பின் தினம் விநாயகர், சுப்ரமணியர், கலாசநாதர், சுந்தாம்பாள், சண்டிகேஸ்வர், அஸ்திரதேவர் வீதியுலா நடந்தது. கடந்த 28ம் தேதி பஞ்சமூர்த்திகள் அபிஷேகம் முடிந்து விநாயகர் மூஷிக வாகனத்திலும், சுப்ரமணியர் மயில் வாகனத்திலம், கயிலாசநாதர் சூரிய பிரபை, சுந்தராம்பாள் சந்திரபிரபை வாகனத்திலும்,சண்டிகேஸ்வரர் ரிஷப வாகனத்திலும் வீதி உலா நடைபெற்றது.

இன்று முக்கிய நிகழ்ச்சியான தேர்திருவிழாவில் புதுச்சேரி சபாநாயகர் செல்வம். கலெக்டர் குலோத்துங்கன். துணை மாவட்ட ஆட்சியர் ஜான்சன்.சீனியர் எஸ்.பி., லோகோஸ்வரன் ஆகியோர் வடம் பிடித்து தேர் திருவிழாவை துவக்கி வைத்தனர்.இதில் ஏராளமானோர் பக்தர்கள் கலந்து கொண்டு தியாகராஜா, தியாகராஜா என்று பக்திபரவசத்துடன் பக்தர்கள் சுவாமி தரிசனம் செய்தனர்.பின் தேர் பாரதியார்சாலை, கென்னடியார்வீதி, மாதாகோவில் வீதி உள்ளிட்ட முக்கிய வீதிவழியாக நிலையை வந்தடைந்தது. விழாவுக்கான ஏற்படுகளை அறங்காவலர் குழுவினர் தலைவர் வெற்றிச்செல்வம்.துணைத்தலைவர் புகழேந்தி, பொருளாளர் சண்முகசுந்தரம், உறுப்பினர் ஜெயபாரதி உள்ளிட்ட ஏராளமான பக்தர்கள் கலந்து கொண்டு சுவாமி தரிசனம் செய்தனர்.