போளிவாக்கம்: கடம்பத்துார் ஒன்றியம், போளிவாக்கம் ஊராட்சியில் உள்ளது மாரியம்மன் கோவில். இந்த கோவிலில், 118ம் ஆண்டு, மாரியம்மன் ஜாத்திரை, கடந்த 24ம் தேதி, கங்கையம்மனுக்கு காப்பு கட்டுதல் நிகழ்ச்சியுடன் துவங்கியது. தொடர்ந்து 26ம் தேதி காலை கூழ்வார்த்தலும் இரவு கங்கையம்மனுக்கு ஊர்கூடி பொங்கல் இடுதலும், 28ம் தேதி மாலை பொன்னியம்மனுக்கு பொங்கல் இடுதலும், இரவு மாரியம்மனுக்கு காப்பு கட்டுதலும் நடந்தது. இன்று, காலை 6:00 மணிக்கு காப்பு களைதலும், மாலை விடையாற்றி விழாவும் நடைபெற உள்ளது.