பெ.நா.பாளையம்: பெரியநாயக்கன்பாளையம் அங்காளம்மன் கோவிலில் குண்டம் திருவிழா நடந்தது.

பெரியநாயக்கன்பாளையம் அருகே உள்ள குப்பிச்சிபாளையத்தில் அங்காளம்மன் திருக்கோவில் உள்ளது. இங்கு மார்ச், 31ம் தேதி கோயில் சுற்று பூஜையுடன் விழா தொடங்கியது. தொடர்ந்து, ஆபரணம் எடுத்து வருதல், அம்மன் அழைத்தல் ஆகிய நிகழ்ச்சிகள் நடந்தன. வெள்ளிக்கிழமை மண்ணுடையாருக்கு மரியாதை செலுத்துதல், முத்துடைத்தல் பேச்சியம்மன் விழா, சிரசு எடுத்து ஆடுதல், மயான பூஜை ஆகியன நடந்தன. சனிக்கிழமை அதிகாலை சக்தி விந்தை கரகம், தொடர்ந்து அலகு தரிசனம், மாலை குண்டம் திறப்பு நிகழ்ச்சி நடந்தன. நேற்று அதிகாலை, 5:00 மணிக்கு அக்னி கரகம் அழைத்தல், 8:00 மணிக்கு பூ மிதித்தல், தொடர்ந்து, அக்னி அபிஷேகம் மதியம், 12:00 மணிக்கு அன்னதானம் ஆகியன நடந்தன. பூக்குண்டம் விழாவில் திரளான பக்தர்கள் கலந்து கொண்டனர். இன்று மஞ்சள் நீராடுதல், இரவு 9:00 மணிக்கு பேச்சியம்மன் பூஜை ஆகியன நடக்கிறது.