போத்தனூர்: குறிச்சி ஹவுசிங் யூனிட் பேஸ் , விரிவு பகுதியில தர்மசாஸ்தா கோவில் உள்ளது. ரிசர்வ் சைட்டில் கட்டப்பட்ட இக்கோவிலை அகற்ற சிலர் முயற்சி மேற்கொண்டார், இந்நிலையில், 27 ஆண்டுகளான இக்கோவிலை ஹிந்து சமய அறநிலை துறை கடந்த, 10 நாட்களுக்கு முன் தனது கட்டுப்பாட்டுக்குள் எடுத்துக்கொண்டது. கோவில் தக்காராக தமிழ்செல்வம் நியமிக்கப்பட்டார். அதுபோல் அதே பகுதியில், வீட்டு வசதி வாரியம் சார்பில் பள்ளிக்காக ஒதுக்கப்பட்ட இடத்திலுள்ள சித்தலிங்கேஸ்வரர், பாலமுருகன், வினாயகர் உள்ளிட்ட கடவுள்கள் உள்ள கோவிலும், பேஸ் 2 பகுதியில் ரிசர்வ் சைட்டிலுள்ள செல்வவினாயகர் கோவிலும் அறநிலை துறை கட்டுப்பாட்டின் கீழ் கொண்டு செல்லப்பட்டன. இக்கோவில்களில் அறநிலை துறை அறிவிப்பு வைக்க முடிவு செய்யப்பட்டுள்ளது. தற்போது சிவன் கோவிலில் மட்டும் அறிவிப்பு வைக்கப்பட்டுள்ளது.